A échi nayúntiami a nachútima échi jaré tamujé níwala namúti, tamujé yúa piréami. A machiwá mápu échi virus mápu okúa kochí a níwili échi nawilí iwíalachi alí ropála nayúli, a bitéli échi jaré ralámuli mápu nayúami níli COVID-19 Yua.

A jaré a binériami a keré benéami échi kítra a riwáli mápu jaré músa níwi échi nawilí echoná mápu oná mi iwía noká, ayénacho a simírika a tási omérali iwía échi kochí.

Échi ko bela a jérika mi karé mápu a oméro simíra échi nawilí échi ralámuli nayúami échi kochí, músa, wé nalí tási machiwá áchi oméro nachútia échi namútí ko échi ralámuli.

Tási a la machiwá a échi namúti kochí, músa o jarécho a wé cháti jú o nachútiami jú ralámuli, wé nalí tamujé ralámuli ko ayéna oméro nachútia échi jaré namúti.