Ljo’ na nntjom’ jndyee’, jo’ nñeⁿnquiena’ ‘u ndo’ nnts’aana’ na tiñejndo’, nncwja’ chquiotcaaⁿ, nnts’aana’ na wi’ ndei’ l’o‘, nc’e’ ndo’ naxeⁿ‘ ndo’ taxocandaa na nncwjaya jndye. Ljo’ na ticwee’ nntjom’ jo’, na nlquiina’ ndo’ na nntseicaañena’ xqueⁿ‘, na wi’ tsia’ ndo’ na nntoⁿ‘.

Jeeⁿ macaⁿna’ na nliuuya cha’tso ljo’ na nntjom ts’aⁿ, je’ cha’waa tsjoomnancue wjaanty’ee tycuwaa (nchii cwe’ quiana wjaa ts’aⁿ cwiicheⁿ tsjoom, yuu na m’aⁿ nn’aⁿ wii). Xeⁿ na jndý ma matjom ljo’ na jnda jndii’, macaⁿna’ na nncja’ w’aanasei cha na nnty’iaa tyonasei ‘u, ndo’ nluena’ a macaⁿna’, na nlui niom ‘u (cjaañjoomts’om na luaa luii, jo’ na nleijndaa’ya ljo’ tycu wi’) na nleitquioo’  ljo’ tycu wii’ ts’aⁿ, macaⁿna’ na nnty’iaa’ tyonasei naquii’ lue’ndyu’ ts’aⁿ ndo’ ts’omxtyo’ ts’aⁿ, saa ñ’eeⁿ nn’aⁿ macaⁿna’ na nlui’ niom’ joona’ cha na nleijndaa’ya ljo’ tycu wiina, ee quiawaa quilui’ niom’ ndyu ts’aⁿ xjeⁿ na nntsaaⁿñe.

Hasta na maje’ndyo cwe’ ñ’eeⁿ joo cwito’ñoomna nn’aⁿ na wii ndo’ ñ’eeⁿ joo quia cwila’jndaa’ndyena, ndo’ mati niom nt’omcheⁿ nnom chiuuwaa na ndýý nliuuna aa wii ts’aⁿ, cha’xjeⁿ cwii nnom na cwileijndaa’ya na cwe’ tomnti jo’ ts’iaaⁿ‘, na jndyu RT-PCR.