Skip to content

¿Chu iyéri jú wé alabé owámi échi COVID-19 ku oála?

Tási bela cho bilé itéa ruwá échi owámi mápu COVID-19 ku óma koba

Jípi ko je aní mápu wé alá tibúpa kíti tási nachúpa échi nawilí a ta uchésa re bajísa re bawí owámi níwíami alí jaré ówami  sayérami nawilí.

Owámi ala inéwa mápu chú iyéri alá jú échi nawilí ku sawéala mápu karé SARS alí MERS anelíwami (mápu coronavirus ralámuli nayútili). Tási bela cho mirú bilé owámi mápu ne alá ku pásima échi nawilí.

Owámi antivirales anelíwami mápu rika oseltamivir alí chécho jaré owámi yúa a bela chináti owíwa mápu COVID-19 nayúami jú.

Remdesivir ko jú bilé owámi mápu nawilí Ébola anelíwami ku sawéala jú, ayénacho bela a náti owá échi COVID-19. Ayénacho a jaré owámi napabúwa mápu riká lopinavir,/ Ritonavir, Arbidol alí Shufeng Jiedu Capsule (SFJDC), échi owámi ko wé machirúami jú Chína, bikía virus a ku sawéa ruwá échi mápu COVID-19 jú.

A bela nócha ru échi owámi lopinavir-ritonavir alí interferón-a yuá áche ya ku sawía échi COVID-19 nayuámi.

Ramsedivir alí jarécho owámi (mápu rika cloroquina) wé alabé karuwá échi owámi SARS-CoV-2 ku sawéa. Jépu na owámi napabúka a belá wé alá nísa riká ruwá échi COVID-19 ku óa, nalíbe a siné alá inéka nakí échi chiná ónalachi.

Referencias:
  1. Li H, Liu S-M, Yu X-H, Tang S-L, Tang C-K. Coronavirus disease 2019 (COVID-19): current status and future perspectives. International Journal of Antimicrobial Agents 2020:105951. doi:10.1016/j.ijantimicag.2020.105951.
  2. Harapan H, Itoh N, Yufika A, Winardi W, Keam S, Te H, et al. Coronavirus disease 2019 (COVID-19): A literature review. Journal of Infection and Public Health 2020. doi:10.1016/j.jiph.2020.03.019.