Skip to content

¿Chu ni riká machiméa áche ni níwia COVID-19 alí chú ijú échi nayúliwa?

Mápu wé néwati júko échi nawilí a bela we níwiwa ratalí, we risiwá, rosówa, repokála oko, tási me oméro iwía. Mápu tási me néwati jú ko jú mo´óchi okólí, rikúmiala, umuchí okolí, witabúali, opésinaliwami.

Échi nayúami mápu ma wé risóati páwa onaláchi, mápu chabé a jónsa iníli okóa alí tási alá oméro iwía, alí rikúmia, umichí okóa alí taa saparási.

Wé natéami jú mápu alá machiká énapa chu ijú sinéwi nachúsuwa échi nawilí, jípi ko a bela suáma kawichí nirú échi nawilí, tási bela biléna inásuwa wasalówa nachúwa ruwá échi ko.mápu re  mi jaré namúti inílisa ka mápu ta ma aníki a bela mi wé sapúka siméa ónalachi, kíti échi onámi mi anéma aché mi nachúla échi nawilí.

Jépu ná diagnostico anelíwami ko a niwáwa pe ta namúti iwikálachi jónsa machínami, alí mápu ma nayúami jú ko a niwíwa diagnostico anelíwami nalí salewá náti mápu machína rosowásuwa, láa alí chécho jaré namúti náti si kíti alá machiméa áche nayúa.

Pe jarépi nirú ónala mápu oná échi ówa ko alí jarécho ko inéwa áche oméra chiná si óa, échi diagnostico anelíwami ko wikanámi kayámi niwalíwa, (a niwalía jeré kítra machíala método riwéami RT-PCR).

Referencias:
  1. Wang D, Hu B, Hu C, Zhu F, Liu X, Zhang J, et al. Clinical Characteristics of 138 Hospitalized Patients With 2019 Novel Coronavirus–Infected Pneumonia in Wuhan, China. Jama 2020;323:1061. doi:10.1001/jama.2020.1585.
  2. Hui DS, Zumla A. Severe Acute Respiratory Syndrome. Infectious Disease Clinics of North America 2019;33:869–89. doi:10.1016/j.idc.2019.07.001.