Skip to content

¿Chu riká nachúwa échi COVID-19 alí chu olá wiká nayúami nirú?

Chokichí ko, aníli mápu nayúami aminá Wuhan (bujan) China peréami nayúami coronavirus (COVID-19) kítra, wasalówami biléna kowámi ralinéwalachi, mápu oná namúti jákami ralinéawa alí ayénacho a kowá. Nalibé, chabénaka jónsa échi inéami ko jé aní mápu jaré ko tási bilé kowámi ralinéala chi énika nayúnali.

Jépuna raíchali ko aní mápu ralámuli a oméro cho siméra échi nawilí a jarécho ralámuli, ayénacho a oméro siméra échi namúti bitichí si peréami mápu riká kochí, musá alí chécho jaré namúti si ( mápu riká namúti jákami échi nawilí níwami alí ayénacho a oméro che jaré siméra échi nawilí) tási cho alá anirúami jú.

Jépu ná nawilíko a nachúti bilécho mápu alí bilé échi nawilí níwiami nísa mápu alí rosówa, atísisa.

Eéchi kúuchi mi bawítiri o kachísiwa a né pachána tamujé iwíalachi, echiná chomála alí rinílachi simíro.

Jépu ná raíchali mápu ma wiká nayúsimi a bela rútami níma re nalí kítra:

  • Chu ikípi nachúsa re échi virus,bilé nayúami inéka alí chu ikípi che nachútisa re échi nayúami.
  • Chú ikilípi tibúsa re, mápu alí jónsa chótali níwisia échi virus alí chú kabú jónsa iníli mápu níwi échi virus, echiná jónsa be la machi mápu chu ikípi che nachú echi virus.
  • Chú ikílipi isíka nachúwa échi nawilí a bela sinéwi ko a chóta mápu alí bilé nayúami mulíwisuwa. Mápuche wiká muyésa jépu na nawilí kítra ko, aní mápu aminábi a wiká nachúsimi jépu na nawilí.

Sinéami jépuna a bela aní mápu chu ikípi nayúami che muyésimi.

Referencias:
  1. Shereen MA, Khan S, Kazmi A, Bashir N, Siddique R. COVID-19 infection: Origin, transmission, and characteristics of human coronaviruses. Journal of Advanced Research 2020;24:91–8. doi:10.1016/j.jare.2020.03.005.
  2. Xie M, Chen Q. Insight into 2019 novel coronavirus — an updated intrim review and lessons from SARS-CoV and MERS-CoV. International Journal of Infectious Diseases 2020. doi:10.1016/j.ijid.2020.03.071.