Skip to content

¿Cwaan nasei na mayati cwentaa’ tycu COVID-19?

Hasta na maje’ndyo ta’nan cwii nasei na n’man ts’an na wii’ tycu COVID-19.

Tianmpo meiin, macandý na nncwja ts’an tsioom na niom l’aanasei oo na wjaaquiee’ ts’an nasei cwentaa’ chquio cha na nntseixjeen‘ñena’ tycuwaa. Quiaa cwiwitquioo’ yuuchen na cwitei’jndeii nasei cwentaa’ SARS ndo’ MERS (coronaviru na ñeteiwii nn’an). Xocandaa nl’uu na nasei meiin yana’.

Cha na nasei cwentaa’ oseltamivir, cwitjoom’na’ ñequio nt’omchen nasei, joona’ mati cwiwiil’uena’ cwentaa’ nn’an na wii COVID-19.

Remdesivir, jndyu cwi nasei na tuii cwentaa’ tycu Ébola, jndý ñeteil’uena’ cwentaa’ COVID-19. Tuii cwii ljeii na matsona’ na nndýý nntjom nasei Lopinavir / Ritonavir, Arbidol ndo’ Shufeng Jiedu Capsule (SFJDC), cwii nnom naseincue ‘naan nn’an ndyuaa China, t’monna’ na ñequiee ts’an na wii COVID-19 ndyee n’man. Je’ macwinty’iaaya tyonasei aa mayuuchen na ya nasei na jndyu lopinavir-ritonavir ndo’ interferón-a 2b cwentaa nn’an na mawii COVID-19.

Remdesivir ndo’ nt’omchen nnom nasei (cha na: cloroquina) cwit’moonna’ na yana’ cwentaa’ SARS-CoV-2. Na nntjoom’ naseimeiin na nluii ts’an, nndaa nncjaan’man ts’an na wii’ COVID-19. Saa meiin na luaa’, macanna’ na nleijndaa’ya nasei na maxjen cwentaa’ tycuwaa na nluii nasei nn’an na wii.

Yuu na Ljei Ljeii' na ncwiluendyu:
  1. Li H, Liu S-M, Yu X-H, Tang S-L, Tang C-K. Coronavirus disease 2019 (COVID-19): current status and future perspectives. International Journal of Antimicrobial Agents 2020:105951. doi:10.1016/j.ijantimicag.2020.105951.
  2. Harapan H, Itoh N, Yufika A, Winardi W, Keam S, Te H, et al. Coronavirus disease 2019 (COVID-19): A literature review. Journal of Infection and Public Health 2020. doi:10.1016/j.jiph.2020.03.019.