U séeba’anil u pa’ak’al le k’oja’anila’ leti’ u yantal máak naats’ ti’ máax k’oja’an ti’ le COVID-19e’, wa k machik ba’alo’ob wa u nu’ukulilo’ob ku meyaj ti’ máak k’oja’an, wa ba’ax tu’ux taak’al u virusil le k’oja’anila’. Beyxan tumen ku xáantal tak ka’apéel semanas u ye’eskubaj.

U mola’ayil  Organización Mundial de la Salud (OMS) ku k’ubéentik to’one’ex:

• Ma’ ek antal naats’ ti’ máak k’oja’an ti’ le coronaviruso’ COVID-19.
• P’o’ a k’ab je’ebix k’abéete’ yéetel ja’ yéetel jáabon kex 20 segundos, beyxan je’el u páajtal u meyajtech gel antibacterial beeta’an yéetel 70% ti’ alcoholil caña. Le je’ela’ maas jach k’abéet waa ts’o’ok antal tu’ux yaan k’oja’an ti’ coronavirus.
• Ts’atáantik ek antal kex jump’ée metro náachil ti’ u láak’ wíinik.
• Le kéen se’enakech yéetel le ken je’esinakech pix a chi’ yéetel a ni’ yéetel nook’, ju’un waa ich a ku’uk. 
• Wa unaj a jóok’ol, búukintej jump’éel cubrebocas wa junxéet’ nook’ tia’al a pixik a chi’ yéetel a ni’ tuláakal súutukil.