Skip to content
Visitas: 5048

¿Jaisa aa yeteu chu’akte ju COVID-19 into jaisaka si juebenaka a jippue?

Che’a bat naataka, Wuhan Chinapo ko’okoeme beja, koonabirujmak jilinchu’aktilame (COVID-19), kuchu nenkiteebatpo im noitek, yoawa jiapsame ama nenkiwa into junuen im bwaua. Junuentaka juni’i, ke’esam lutu’uriajariurim yeu machiak beja wawate bato’im, jilinchu’aktekamme jain juni kaa kuchu nenkiteebatpo am noitilaatuk juni’i.

Inime bitwakame yee tejwa beja ke jume bato’im aa a chibejta (chuakta) inika birujta senu bato’itawi into yoawa ko’okoata jippueut luula juni aa yeteu chu’akte (jiapsitakala jiapsame ko’okoata jippueme, yeteu aa a chu’aktame into bato’ita a ko’okoa tatabe), bweta ii kee lutu’uria yaawa.

Jilinchu’aktei bato’impo beja jume nujmeelam unna kaa nanau mekka am anneotune o senu ko’okoemtau rukteko, a taseo, a jaachijteo, jiabijtei jaawammak o jekapo bajewammak.

Inime jeka bajewam takaapo im aa kiimu (jare’echiampo) yekapo luula a jaktakai o tempo luula.

Jaisaka juebenaka ko’okoe weeche, inim luula jumak yeu weama:

Jaisa juka birujta si aa a chu’akteepo amani, batweeria na’ikiarimta weiya jume bemelasi juka ko’okoata bwijlaame wepul bato’i ko’okoemta a chibejtala betana.

Taewai tomtia yuma’aneme, junaa tamachiai beja ke’esam biruseu rukteka na’ikiawa into ju ko’okoat ayukamta jippueka au yeu maachianemta, yee tejwa jaisa beja juebena jilinchu’akteim ayune.

Ju chubalai jibateime, junaa tamachei beja ko’okoata ke’esam wepul ko’okoemta yeu machianemta ko’okoata a naateo juka weyemta teuwawaka’apo. Ini beja a teuwa weyemta juebenan ayuneeme kee juka jilinchu’akteita ke’esam yeu machiao.

Inime jitamsa yee tejwa jume weyemem a ko’okoakame jaisaka im juebena.

Referencias:
  1. Shereen MA, Khan S, Kazmi A, Bashir N, Siddique R. COVID-19 infection: Origin, transmission, and characteristics of human coronaviruses. Journal of Advanced Research 2020;24:91–8. doi:10.1016/j.jare.2020.03.005.
  2. Xie M, Chen Q. Insight into 2019 novel coronavirus — an updated intrim review and lessons from SARS-CoV and MERS-CoV. International Journal of Infectious Diseases 2020. doi:10.1016/j.ijid.2020.03.071.