Skip to content
Visitas: 5043

¿Jita jittoamsa che’a tu’i COVID-19ta senuk inika ko’okoata a jippueko?

Ketun kaita witti jilinchu’aktei jittoa aayuk COVID-19ta betchi’ibo.

Iancha taapo, yeu jimo’onokwa jittoa yee toboktamta jiabijjekata ama na’ikiaka, ba’ampo luula emo jiapsi aniawame into ju jittoa antibiotikommake jume jilinchu’akteim kaa tua unna utte’akammak betchi’ibo.

Jume jittoam bitwame wate jittoa lutu’ujariuria SARS into ju MERSta betchi’ibo im tamachiawa (ke’esam koonabirus yoemiata nasontakame). Si’imeku amani, kaita jinami namakiaka aayuk inime jittoammak aa am tu’ineepo amani.

Ju antibiral jittoa maasu oseltamivir antibiotiko joariawa jittoammak kuutituk, junaa beja ket jume jittowame COVID-19ta jippueme aemak jittowa.

Remdesivir, Ebola virus betchi’ibo ya’arime, ini beja ket COVID-19ta betana weyeme ko’okoeme ket a jittoa makrimme. Ju Lopinavir / Ritonavir, Arbidol into Shufeng Jiedu Capsule (SFJDC) inime jittoam nau kuutitaka tejwai, chino jittoa jiba yuu uju’uwame, bittuak beja jume jittowame COVID-19ta ko’okoakame bajika naikimpo im tu’ireak.

Wepul tekilbitri aayuk beja jitbeje’eriata into aa jita joowamta beje’ewata aet jariwa lopinavir-ritonavir into interferón-a 2b jume jittowame COVID-19ta jiipueme betana.

Ramsedivir, into wawate jittoam (maasu, cloroquina) aa jita joowamta yeu machiala in vitro into in vivopo SARS-CoV-2ta beaj taweka. Nau ji’iwako, inime jittoa antibiraalim beja COVID-19 ko’okoata betchi’ibo aa jittoapo im tamachiatu, junuentaka juni’i, ju aa tuu joowame ket ama naabujti bitbae jume iancha taapo jittoa antibiraalim jaisa im uju’uwa.

Referencias:
  1. Li H, Liu S-M, Yu X-H, Tang S-L, Tang C-K. Coronavirus disease 2019 (COVID-19): current status and future perspectives. International Journal of Antimicrobial Agents 2020:105951. doi:10.1016/j.ijantimicag.2020.105951.
  2. Harapan H, Itoh N, Yufika A, Winardi W, Keam S, Te H, et al. Coronavirus disease 2019 (COVID-19): A literature review. Journal of Infection and Public Health 2020. doi:10.1016/j.jiph.2020.03.019.