Upete kristianu uch’e’ numsbintik ni yaj-da, uyele’ ni ts’ib tuba ajts’ako’b unajtekёl numsinte ni yaj-da jink’in ya’an untu nёts’ё t’ok naj k’ojpan t’ok COVID-19, i unumsinte t’ok ni ts’uts’ ja’a upase tё mёs ik’ o che’ tёkё t’ok kwa’chichka utёlkinte jin utёli untu ajk’ojpan t’ok COVID-19.

Ni OMS (Organización Mundial de la Salud) usubёn kache’ mach k’e’nik ni yaj-da, k’a ts’ita’ak upete ni riesgo ta mach numsintik ni yaj ta ni sap ik’:

• Mach ajniket nёts’ё t’ok alot jin ya’an t’ok oba i simaj.
• Pёpёy poko ak’ёb, kuanta tёli ajk’ojpano’b o si anumet nёts’ё, i mach atёle’ ёlek’ijo’b k’otik mach ajniket bёk’ё

Uyёlkinte tёkё ke ni kristianujo’b t’ok ni yaj ta mёs ik’ uyelbinte uchen uyoba nat nat t’ok ulot, i umёke’ uyobaj t’ok uk’eb, i che’ tёkё umёke’ ni ja’tsij t’ok payu o ch’ok nok’ i uchojkan.