Skip to content
Visitas: 5048

¿Ke’esamjitto aayuk COVID-19ta betchi’ibo?

Ian lautipo utte’a joowame lutu’ujariupo jume birus bemelasi yeu kateme betana, ju jilinchu’aktei COVID-19 koonabirujta weyee betchi’ibo betana, ketun kaita ke’esamjittoa aayuk inie ko’okoa yoemiam betchi’ibo kee jippu’uwa.

Jume ke’esamjitto be’eme emo suawa yoemiam am uju’une betchi’ibo inilebena birusim beja jume mamlotoosa yeu katemem aniapo jinilwachisi am tattawa.

Ju marsota 16 2020po, ju G7 (jume wobusan naucha’arim: foro wobusan ekonomiia inlustrialisalom: Canadá, Francia, Alemania, Italia, Japón, Reino Unido into Estados Unidos) inime beja nau a yecha’ala COVID-19ta betana tekil ya’abawamta lutu’ujaiurita ania betchi’ibo (jittoam into ke’esamjittota).

Wepul tekilbitria ke’esamjittoatunemta 1 weeripo, marsota 16 2020po naatek, emo aniak Ejtalo Unilo Ijtituto Nasional Salut into CEPImak (Coalición para la Innovación en la Preparación de Epidemias), into 2 taewaim che’a chukula, wepul ko’okokaripo tekilbitri Chinapo naatek.

Jume tekilbitriam wate ke’esamjitto bo’obichame betchi’ibo, lauti im naatene bweta junuen juni mekka te au aane ke’esamjittota ian lautipo teuneekai.

Referencias:
  1. Zowalaty MEE, Järhult JD. From SARS to COVID-19: A previously unknown SARS- related coronavirus (SARS-CoV-2) of pandemic potential infecting humans – Call for a One Health approach. One Health 2020;9:100124. doi:10.1016/j.onehlt.2020.100124.
  2. Yamey G, Schäferhoff M, Hatchett R, Pate M, Zhao F, Mcdade KK. Ensuring global access to COVID-19 vaccines. The Lancet 2020. doi:10.1016/s0140-6736(20)30763-7.