Semi moixmati keman se kipiya yin kokolis COVID-19 tekui  totonik se siujkalaki, se uakatatasi, se xoxokoltia uan amo yecteajsi in ejekat se ixolpa.

Teyin amo semi moixmati keman se kipia yin kokolis.

Sayoj se kuaolini, ixiuianti, tekoko se ixikuako, se kuitati, se elmoyaui uan se mijsota.

Tein kokolispeukej yekinika monekik maj kininuikakan ueyikaitapajtiloyan kimachilis, ixtayoualis, xikuaxolyot uan amo mayanaj.

Semi moneki maj se kimati keniuj se kimachilia keman tekui yin kokolis, taaxkan yin kokolis onkakya itech in xolal konemej, uan komojkon se kimachilia semej in tekokokayot kemej moijkuilo ajko maj niman se kiita se tapajtijkej itech se ixolal.

In tapatijkej kiyekmatis xase  kipiayin kokolis COVID-19.

Moneki maj teitakan itech se itoskak uan se iyekasolko

No huelis itech se ikualakchijchi tein uitsa se iyolpa uan no itech se iesyo

Ayamo miakej tapajtiloyan kampa ueli kualtsin te ita komonkon se kipiya yin kokolis.

Miakkan tapajtiloyan tachijchiujtokej keniuj no kualtsin ueliskej tech ixtemoliskej ox tikpiya yin  kokolis ta semi moneki maj noyan techpaleuikan

Miak tatamantik keniujteitak ta axkan tein kualtsin kisa teitalis uan okachi mokuitok monotsa RT-PCR.