Coronaviru, luaa cwii tmaaⁿ‘ viru na cwil’a jndye nnom ntycu, na cwil’a na ticwee’ya na nncwja ts’aⁿ  jndye. Seicajndyuna’ coronaviru tycuwaa, ee chiuu na waa viru, matseijomna’ cha’xjeⁿ cwii tseicorona na chuu’ niom. Virumeiiⁿ, jndye ndii’ cwileiwii quioo’ joona’ ndo’ nndaa nl’ana’ ntycuu’ ts’aⁿ. Ndaa nnt%ⁿ‘a virumeiiⁿ xeⁿ ndmaaⁿ‘nch’u: alfa (a), beta (β), gamma (Y), ndo’ delta (δ). We ndmaaⁿ‘nch’u ‘naaⁿ‘ coronaviru na jndyuu alfa ñ’eⁿ beta nndaa nncwiwii’ ts’aⁿ joona’.

Chi’ diciembre chu 2019, teit’quioo’ cwii tycu naquii’ tsjoom Wuhan, ndyuaa China, na jndyu coronaviru, jnda na wen’aaⁿ nchoo’nqui xuee na teitquioo’ tycuwaa, teinom cha’na ndyeen’aaⁿ  nchoo’nqui meiⁿ nn’aⁿ  na teiwii, ndo’ na tjý cha’na cwii meiⁿ  waaljoo’ ñeeⁿ siaⁿnto ts’aⁿ; juu viruwaa ñ’eⁿna’ naquii’ tmaaⁿ β, ‘naaⁿ‘ coronaviru, jla’cajndyu nn’aⁿ juuna’, Wuhan oo coronaviru na xco 2019 (2019-nCov).